Jao Maaf Kiya..

Following is the poem inspired from "Priyanka Gandhi-Vadra forgiving episode":

Zindagee ki shrinkhalaon se seekha hai- mauka-parast kar baithhte hain vaar, mauka paate hee/

Toh sochta hoon- suna doon sajha ek saath hee/

Par phir bhi yeh samajh baithhte hain- itnee shakti hee kahaan/

Par dost dikhe nahin toh shakti Ram mein bhi nahin/

Aur dikhe to unse adhik shakti kisi mein bhi nahin/

Par kamjhor kya jaane shakti kya hai/

Woh toh jaane shakti ka pradarshan hee shakti hai/

Yeh toh jaane shaktishaali-ki shakti ka 'nahin-pradarshan' hee toh asli shakti hai/

Jao maaf kiya..par samajh na baithna- kamajhori se hai yeh shabd nikla/

Zindagee ki takleefon se gujarta hoo toh lagta hai-aparaadhee ke liye nyayalaya ka mrityudandh hee hai sahee sajha/

Naa rahegi vajhah, naa uthhenge sawaal/

Mujhe takleef naa vajhah se hai aur naa hee sawaalon se/

Par hai uss dhwani se jo banti hai inhee ki vajhah se/

Mujhe takleef isse bhi nahin hai- ki yeh dardnaak dhwani mere kaanon mein padati hai/

Par isse hai- ki yeh dhwani doosre maasoomon ke kaanon mein bhi toh padati hai/

Jao maaf kiya..par samajh naa baiyhna-kamajhori se hai yeh shabd nikla/

Zindagee ke udaahanon se jaana hai- ki anth mein dhanush toh Ram aur Arjun/Krishna ko bhi uthana padha tha/

Ahinsa ke bachav ke liye, hinsa ka sahara toh Gandhi ko bhi lena padha tha/

Par yeh yuddh kamjhor aur shaktishali ke beech nahin the/

Yeh the- shakti aur asli shakti ke beech/

Nakli samajh naa sake asli kya hai/

Aur asli samajhaa naa sake asli-nakli kya hai/

Yahi toh ek duvidha hai/

Jao maaf kiya..par samajh naa baithhna-kamjhori se hai yeh shabd nikla/